لتکای فک

 

 

لِتکای فک

مِره خوانی ،نِخوانی، نازِکِک بائور

 بِلِن ناونی مِره ، یواش تِرِک بائور

 

دَپیتی چادر رِه شونی تنایی

 نِنی تا پشتِ در، اتتا شِلِک، بائور

 

زِمر دِنی چه وه ؟خوانی بُوری بُور

 نخوانی اَی مِره ، اَی به درک، بائور

 

 ننا اگه تِه ره شی خوانه هاده

 برار اگه تِه ره زَنده کتک بائور

 

شه دستِ هاده تا باوّیم فراری

دِ کش ساری بُوریم یا که سورِک بائور

 

مِره بِرمه نیار با شه دِراغا

 سورِک بُوردی ،ته ره بزّو کورک بائور

 

هِکان همسایه ریکا ر فراموش

 ته قسمت بیه نونِ بی نمِک بائور

 

بلا نَیره ته ره، تا کی اَره نا

 اَگه تی تن هنیشته مِلْ مِلک بائور

 

مه لینگ پِزغاله بزّو بِرا بور جِم

  اگه بزّو تی لُوچه گندمِک بائور

 

دراغ یا راس ننا حرفا ره بِل بوم

 اِنی اَمشو می جان جه بهترک؟ بائور

 

همین روزا ره گاتی اَره دمبه

 قسم دمبه ته ره لتکای فِک ،بائور

 

#روح_اله_نظرنژاد_کدخدا.

 

 

سلام دوستان لطفا آدرس جدید کانالم در تلگرام را یاد داشت فرمایید

@sheere_mazani