خال قالی زن

خال قالی زن، گو داشته / بالا مَله اَسیو داشته

/ انار و اُنشو داشته / یتا لِتکا لیمو داشته

نا پیه نا راغون خورده / ناهار فسنجون خورده /

کئی پلا نیمرو خورده / زالک زمستون خورده /

پارسال که بُورده بازار / کلوش بَیته چارِ زار  /

همین هفته نِماشون / بورده تا سبزه میدون /

عابر بانک جه پول هایته / یارانه وِ هول هایته /

پارچه چیت بَهیته / کادو دَپیت بهیته /

بَدوته متکا سرکش / پَر بدوته کش به کش /

لحاف کرسی بدوته / خرج عروسی بدوته /

ها پیش پیش و ها کیش کیش / ته گپ زنده مره نیش /

این دنگه و اون دنگه / کدخدا بزّو ونگه /

کیجا تلا نداشته / ریکا قوا نداشته /

کفش و کلاه چه فایده / نَواشه عقل قایده /

خال قالی زن بیمو / بدوشته زرد منگو /

شعر:کدخدا

خال قلی زن=زنِ پسرخاله

https://telegram.me/nazarnezhad_kadkhoda2  

من و روجا

چنده خوار من و روجا بواشیم یار
چنده خوشه من و روجا بموندیم خوار
چندروزه ندیمه روجای سوسو رِ
ََلَلِه بیرم بخوندم تا صواحی زار
#کدخدا_
چقدر خوب است من و روجا(ستاره صبح ) یارشویم
چقدر باعث شادی است که من و روجا به سلامت در کنار هم باشیم
چند روزیست که چشمک زدن ستاره (روجا) را ندیده ام
نی بگیرم و تا صبح از دوریش زار زار بخونم
#نظرنژاد_کدخدا

https://telegram.me/joinchat/AZDXsDwAOczLyC2O2Gam6w