رخصت

خسته بِمومی غمِ سر لا دِنی؟ / جا مرِه امشو شه قدمگا دِنی؟

 اِمبه دواشم تی پَلی، ناوری نا / صحن پَلی، اتّه گوشه ،جا دنی؟

رخصت هادی ،دل بونه قربون تِه/ این همه عاشق دِله امضا دنی؟

نا نَوونه، جا دنیه ، ویمبه شِه / جا مِره امشو درِ کِندا دنی ؟

صحن ِحرم شورمه شه اسری جه باور /اَته پِریک برفه رِ بالا دنی؟

حُسن تی قبر اینه که شیش گوشوئه /یک گوشه نذری مره بیستا دنی؟

خشکِ کویر هسته مِه بِبلاسه دل / خشک ِ کویرِ سَر ِ میها دنی ؟

خوامبه بشورم تی رواق اسری جم /برمه آتی دریو ی ِ اِندا دنی؟

شاه ته ای، راه ته ای ،مهر ته/ اصغر ور جا مره سیوا دنی؟

من که نخوامبه تی جه لج هاکنم /اَنده نیشرمه مره باو ، خا ، دنی

سنگ اگه امشو بواره اِمبه باز /دومبه پِخو بغض ِ تسلّی دنی .

 

#روح_اله_نظرنژاد_کدخدا

 لطفا آدرس جدید کانال تلگرام ام را یاد داشت فرمائید

@shere_mazani

مژدگانی

مشتلق= مژدگانی

سبک شعر =تبرسی شعر(تبری+فارسی=تبرسی)

 

خبر اومد، تی چال چَلو بَهیه

زمین خشکت پرِاُو بَهیه

 

خبر اومد ،ساری پراز نگارِ

مش رضای کیجا سر قرارِ

 

هر کی خبر بیارده ر بِلارِ

یواشکی، بوسه زَمْبه کِتارِ (چانه)

مش رضا از وقتی شده خبردار

پنیرو یوخه(لواش) نون خرینده چن بار

 

همین اِسا هنیشته خورنه پسته

اَنده بخورده که وِره دماسته

 

بَخریه گوجه و پیاز و خیار

هِرستا هسته پشت در انتظار

 

 خیال کانده شازده پسر، گل آقا

کندنه کاج غصه هار یکجا

 

ندونده اتّا آسمون جُلِ مَنگ

ونه دوش بالا هوکا و کلنگ

 

کندنه بیخ و بن جه کاخ اَرمون(آرزو)

لاغر تن جه چکه یارنه راغون

 

خبر رسون دل بواشه اَلو(آتش)

ونه زبونّه گاز بهیره زالو

 

#روح_اله_نظرنژاد_کدخدا

در کانال زیر شعر های دیگرم از سال 1394 تا الان وجود دارد آدرس قبلی کانالم به علت طولانی بودن ویرایش گردید و دیگر در دسترس نیست از کانال زیر استفاده کنید

@sheere_mazani

منتظر حضور شما هستم